***..

Natambalan ang Kauhaw

Rate this Entry

10 Comments

, 07-03-2013 at 02:59 PM (5058 Views)

Matag lakang niining mga tiil nag-aginod
nagbaklay ug nagpangaghong nagsunod
gilantaw ang gisubayng dalan sa Danao
naglagiting ang kainit ug nakapanghupaw.

Pagkatin-aw sa kawanangan walay panganod
ang kainit sa adlaw ning panit nanootsoot
inanay kining dughan ko murag gikumot
pag antos hangtod asa ang dalang hagip-ot.

Pipila na kahigayon gisuwayan ko ug limot
gilimpyohan ang kagahapong nang lumot
apan ania nag inusarang gitadlas ang dalan
nga dugay nang boot usbon ug kalimtan.

Naputos na sa abog kining akong tiilan
maingon man samdan usab ang dughan
padayon lang gihapon sa paglakat sa unahan
nanghinaot sa atabayng akong kasag-uban.

Udtong tutok ug nagmala na kining tutunlan
maingon man sa singot kining lawas naughan
mipiyong ang mga mata nangaliya na lamang
may tubod kaimnan ug kapahulayan sa unahan.

Ning atubangan kalit lamang ikaw mipatim-aw
ug sa diha-diha natambalan ang tumang kauhaw
gidalit mong tubig mihatag ug kahigayonan
mopadayon ning tahas aron sa kalampusan
kadasig gikan sa imong pahiyom ug abiba
bawnon ko hangtod makab-ot ang himaya.

(mugna sa isip, samtang gabieng dako nagsubay
sa dalan sa trancentral highway)

Updated 07-04-2013 at 11:05 AM by vahnhelsing

Categories: Uncategorized

Email Blog Entry

« Bisbisi ug Bili Main Blue rose »

Comments

Levarej - 07-03-2013 09:21 PM
nosebleed ko dah!!!!
beyee - 07-04-2013 07:38 AM
Naa ka silhig dha vanski?
Atong silhig on Mga lumot, Dali.

Hehehe

As always, makalisang jud imo pamulong vanski
vahnhelsing - 07-04-2013 11:09 AM
Ang lumot nga nangsulbong gikan sa kagahapon
gipoo ug sulay makadaghang higayon
bisan pa sa kainit nagpabilin nagpadayon,
nabuhi sa mga luhang nagtulo lang gihapon.
@beyee; ayaw sad nang makalilisang uy.. mura man
sad ta ana ug gikaintapan ug gikahadlokan..
beyee - 07-04-2013 01:08 PM
Hahaha! I meant imo Mga pulong Binisaya vanski
xinevirtucio - 07-05-2013 07:22 PM
kung ang kauhaw natambalan nah...
apan anaa ghapo'y ngpabiling pangutana...

ikaw linalang....
nabisbisan ka na ba sa bili nga hagbay mo ng ghandom?

^_^
vahnhelsing - 07-05-2013 08:50 PM
subo man pamalandungon inday xine apan daw kuli nga
mabisbisan sa bili kining panglantaw. Bisan pa ug putli kini,
naghulat sa ulan gikan sa dakong huwaw. Apan wala kita
masayod, hangtod may gininhawa pa may kahigayonan
pa nga makab-ot ang mga pangandihay sa kinabuhi.
smoke21 - 07-10-2013 07:36 AM
kayasa Bisdaka nimo oI haha
nante - 07-19-2013 04:29 PM
nindot pamalandongon kung ang mga liki sa kahinam mabisbisan sa matim-os nga dugos nga manusuot-suot nga mutagbaw sa kahidlaw nga gihagdaw......hahahha...
nante - 07-19-2013 04:38 PM
Kining balaka akong ihalad kanimoKay ang akong dughan wa ko kasabot kung gi-unsa nimoPagkanindot gayud sa akong adlawBasta ikaw mutan’aw sa akong pagduaw.Ang imong pahiyom, murag bitoon sa akong panan-awHayag kaayo murag adlawImong gihayagan akong mangitngit nga dalanSa imong mata nga murag bulawan.Ang imong tingog murag huni sa akong dunggan Tanan nimong gipamulong, nipahupay sa akong dughanLami kaayo paminawonMurag awit sa kaadlawonSa imong pagtan-aw, ako namugnawAkong tuhod nangurog, murag ‘di na makabarog.Sa imong pag-duol, ako nahasol.Ang akong kaugalingon, akong gibasol.Niduko intawn ako kay naulaw.Pero sa imong paglakaw, ako nanghupaw.Sa imong paglayo, ako nasubo.Sa akong mga mata luha mitulo.Kanus-a kaha ikaw maako?Para akong dughan mahupay sa imong gugmang tiunay.Ug sa imong dughan ako mupahulay.Sa mga adlaw na ako gila-ay.Apan ako gadamgo lang.Ug sa akong damgo, ikaw lang tanan.Apan kung kita gayud ang magkauban,Sa kahitas-an akong pasalamatan.
Levarej - 07-23-2013 07:50 PM
hala vhae ...naa ug bisaya nga dictionary??
pwede ko muhulam