***..

Gisubay ko ang dalan paingon sa pantalan,
naglagiting ang kainit na uga na ang tutunlan,
malantaw ang islang karong gabie padulngan,
milukat ako ug ticket bisan pa dili gayud andam.

Giliraw ko ang mga mata nangita'g kapahulayan,
mintras naghulat sa pag abot sa barkong kasakyan,
lingkorang kahoy sa may baybayon nagpangamay,
mihigda'g mipiyong sa mga mata aron mopahulay.

Mipasalamat ug nangayog igong kusog sa kahitas-an,
malampus kining dula bisan nag inusara sa dalan,
dili paigo ang kusog ning akong kalawasan,
ang Tubod nga walay paga undang boot salopan.

Niabot ang takna gitadlas ang pipila ka bukiran,
padayon na lamang ning tahas nga nungka atrasan,
ug bisan paman sa pagsulay wala gayud mapasagdan,
Salamat, diha Kanimo may pahiyom luyo sa kalisdanan.