***..

panaad

Rate this Entry

12 Comments

, 10-21-2012 at 10:34 PM (5043 Views)

Panaad, matod mo nungka mapakyas
daw dugos sa wait mo kini nang agas
pagkatam-is samtang giduyanan ug halok
gitagamtam hangtod sa damgo nahinanok.

May mga binanlas sa unos sa atong gugma
apan nagpabiling ligdong sa usag-usa
pagkahimayaon sa matag takna sa imong bukton
matag gutlo sa imong pagpangga mabulokon.

Ang mga panid sa panaghinigugmaay nanglabay
ang katuigang mabulokon inanayng nidagayday
nagdahom ako sa kamatinud-anon sa gugma
apan nausab ikaw, nalingla ako ug nabuta.

gibanlas ang panaad mong sa baybayon gilalik
nagpatihulog ikaw, sa pagbudhi nabitik
gisukna ko ikaw kun hain ang mga panaad mo
apan ulahi na ang tanan para ikaw makaamgo.

Gianod ikaw sama sa lusay nagpautaw-utaw
ning lapyahan diin mo gipanaad ang tanan naglantaw
nagbakho ug mitulo inanay ang mga luha sa mata
nisaad ka apan nganong giusikan kining gugma?

Categories: Uncategorized

Email Blog Entry

« Ikaduhang Bathala Main Gusok kong ikaduhang bathala »

Comments

cebu.opportunities - 10-21-2012 10:58 PM
wa pa gihapon ka get over ay.

Butangi translation to English imong balak vahn ky daghan words di masabtan bisag kadaghan nako kadungog malimtan ra gihapon ang meaning, hihihi. Demanding ra
vahnhelsing - 10-21-2012 11:05 PM
ka move on na uy.. dugay ra. post lang nako dri kay sure ko daghan makarelate.. hehehe..

puhon translate ko ni..
Dorothea - 10-22-2012 06:38 AM
sus ning Bol-anon, balaknon gajud!
vahnhelsing - 10-22-2012 08:32 AM
Originally Posted by Dorothea

sus ning Bol-anon, balaknon gajud!

tungod kay ang bol-anon puno sa kasinatian labi na
sa paglambisog sa mga unos sa kinabuhi.
nakapanglantaw ako sa kagahapon diin didto sa kayda
sa bukid namugna ko ang pipila ka mga balak.
Dorothea - 10-22-2012 09:52 AM
Ambot nimo vahn, lisod kaayo sabton imong binisaya hahaha
sevmik - 10-22-2012 11:34 AM
join nya sa Bathalad Cebu, if you're not already a member.
vahnhelsing - 10-22-2012 01:04 PM
Originally Posted by sevmik

join nya sa Bathalad Cebu, if you're not already a member.

bagtik na kaayo na sila bro.. maulaw sad ta gamay kay uyamot pa
kay kog nahibal-an aning pinulongang binisaya.
sevmik - 10-22-2012 02:24 PM
not really. well ang mga tiguwang are kinda intimidating at first, but you'll learn a lot man sad from them. also, daghan man mga bag-ong tubo nga members karon.

will invite you nya sa next basa-balak. it's usually held sa handuraw once a month. mag PM ra nya ko nimo once naa na definite schedule.
cebu.opportunities - 10-22-2012 02:36 PM
ma discover ka ana vahn.

bitaw, sakto si @sevmik. daghan ka mkat-onan basta mga hanas na kaayo imong makuyog.
vahnhelsing - 10-22-2012 03:14 PM
puhon bro sevmik.. salamat..

magkurog man sad ta ani mag atubang sa mga bangiitan..
serpentinite - 10-26-2012 03:49 PM
Pagka anindot ba sa mga balak sir vhan, sa mga lalom nga pulong....naa pa bay istasyun sa radyo ron nga naga sibya pa og mga balak. Ka hinumdom man sad lamang ta ani sa transistor nga radyo sauna.
vahnhelsing - 10-26-2012 11:01 PM
Originally Posted by serpentinite

Pagka anindot ba sa mga balak sir vhan, sa mga lalom nga pulong....naa pa bay istasyun sa radyo ron nga naga sibya pa og mga balak. Ka hinumdom man sad lamang ta ani sa transistor nga radyo sauna.

salamat sa pagdayeg.
wala ako masayod kun may istasyon pa ba nga nagsibya pa
ug balak sa kahanginan. Tingali sa AM anaa pa. Tinood
pagkaanindot paminawon sa mga balak, makahinumdum
kita sa mga mabulokong kagahapon.